Eto na naman. May panibagong banta na naman sa ating kaligtasan. Ewan ko ba kung bakit kailangan pang magkagulo-gulo. Kaya ayaw ko sa politika e.

Sa kampo ni Trillanes, alam kong napakaganda ng inyong hangarin, at ito ay para sa bayan, pero sana wag na tayong gumamit ng dahas para makamit ito. Mabuhay ang inyong mga hangarin. Pero hindi ang inyong pamamaraan.

Kay Gloria, bumaba ka na kasi. Gusto mo buhatin pa kita pababa ng upuan kung di mo maabot ang sahig.

Sa ating mga readers at lahat ng Pilipino, pasensya na at medyo seryoso ang Greenpinoy sa sulat na ito. Pero sa mga ganitong panahon, hindi ko maiwasang malungkot at matakot, para sa bayan at para sa sarili ko. Malungkot at natatakot ako para sa bayan dahil hindi na naman tayo ligtas, at maaaring may mga masaktan ulit. Malungkot at natatakot ako para sa sarili ko dahil baka nawalan na ako ng pag-asa, baka wala na akong magawa at baka nga wala na akong pakialam. 

Ang magagawa ko nalang siguro ngayon ay umasa na wala ni isa sa inyo, aking mga kaibigan at inyong mga pamilya ang masaktan o mapamahamak dahil dito. Mag-ingat kayong lahat.

Mabuhay ang Pilipino. Mabuhay ang kapayapaan.

Ahahaha nakakaloko yung itsura nya diba? Nakuha ko to ng libre sa isang tindahan kung san ako bumili ng maraming laruan! Para makita nyo ang mga bago kong laruan, punta lang sa To the Batcave!

Nagbigay sa akin ng link si Kennyjunkie, at ayun sa site na to, eto ang mga kamukha ko! Mas malabo ata ahahahaha